اا لكـِ عدت اا

السلامــ عليكمــ ورحمة الله وبركاته

[ عدنا والعود أحمد ]

بحفظ الله وعونه ،، رجعنا لأرض الوطن =)

بصراحة ماودي أرجع من هناكــ ،، أجواء إيمانية غير شكل

سوالف وضحكــ ومقالب ومغامرات

ونااسة ع الآخر والله

بس بعد الواحد يحن لاهله وارضـــه ،، وماله غنى عنهمـــ =)

وخصوصاً الــ MaMa  والــ BaBa 

الوالدة الله يحفظها دقتلي وانا فالسعودية ،، اتقولي اهدائج ما يشتغل لووول

عسب جــيه ،، احب اهديج يا أحلــى أمــ في الدنيا هالنشيدة ..|| طالت الغيبة ||

اشتقت للكامـ ,, واللاب ،، والربع ،،والمدونة وكل شي =)

جيناكمــ  بأحلى الاغاني ،، جيناكمــ بأحلى الأماني

جيناكمــ والشوق يهلي ،، جيناكمــ بالحب من ثاني

ياكثر المواقف الي مرت علي ،، اذكر لكمــ بعضها

.

.

::|| واشتهـــرنا ع غـــفلة  !! ||::

هههههه والله هالموقف محرج بالقوو ،، جان يومـ الاحد بالتحديد ،، الناس الي بالفندق يزهبون اغراضهمـ عسب نتوكل على مكة ،،السالفة كلها صارت باللفت ،،ركبنا نحن ( 5 حريمـ + 3 يهال )  + أغراضنا باللفت

نزل ع الطابق الارضي ،، الجماعة كلهمــ توكلوا،،وانا حليلي ع نياتي ..ماسكه لهمــ اللفت عسب يظهرون ,, لما بغيت اظهر من اللفت ،، تسكر فويهي !!  وصعد ع الطابق الاول 

..عاد هالطابق نشبه ,, طابق ( فريج زعاب ) لووول  ,, المهمـ جفت حرمة عوده وشاله اغراض وياها

قلت لها : حياج خالووه ،، بروحي بالمصعد ،، تفضلي

قالت : لا حبيبتي ،،توكلي ما عليه

قلت : لا خالووه ،، وايد شاله فايدج ،، بتتعبين ،، تعالي

حليلها يات ،، ودشت معاي ،،وعاد اللفت من تسكر ما فتح هههههه المشكلة انه بند بالكامل ..والله حاله

وهقت الحرمه معاي ههههههه ،، شكلها دعت علي من الخاطر 

الحمدلله انه اللفت بوسط الفندق وشفاف ،، قامت الحرمة ادق الباب وتزقر ( تنادي ) ع الشباب

ماجوف شويه الا الدور بكبره ممتلي من الناس ،، والشباب يحاولون يفتحون المصعد

والحمدلله انه موبايلي معاي ،، دقيت حق خالي ،،وعلى طول تواجد في موقع الحدث  

وتمت عمليـــة الانقاذ بسلامــ ،، وبعدها ،، كل الي بالفندق صار يعرفني

ما يعرفون اسمي " فلانة " .. بس يعرفون " هاي الي نشبت باللفت "

ياتني عقدة من اللفتات

.

.

::|| كمـــ تسوى فرحتهمـــ =") ||::

هالموقف يصادفني كل ومــ اروح فيــه الحرمــ ،، وخصوصا لما اروح السوق صوب الابراج

دايما ألتقي بيهال ( أطفال ) يبيعون كلينكس ( مناديل ) ,, عاد يكسرون خاطري والله

كل يومــ التقي بحد ،، واسوي معاه تحقيق لووول ،، بس الصراحة تواجدهمـ كل يوم بنفس المكان يحير

من خلال اسألتي لهمــ ،، اكتشفت انهمــ من افغانستان ..بس امنو الي يشغلهمــ ؟!،،

محد منهمــ تكلمــ وجاوبني،، شكيت بالموضوع

المهمــ ،، قررت انا واختي وخالتي كل يومـ نروح فيه السوق ،، نشتري عصاير واشياء خفيفة

نعطيها لليهال هذول ،، بدل ما نعطيهمــ بيزات ما ندري ،، همــ ولا غيرهمــ المستفيد 

الموضوع صار وناسة والله ،، كمــ تسوى فرحتهمــ وهمــ ياخذون العصاير

آخر يومــ لنا فمكــة ودعناهمــ ،، كلنا اتعلقنا فيهمــ ،، ما ودنا نفارجهمــ

عطيناهمــ الي الله كاتبنه ،، وصورنا وياهمــ =)

هذي صورة بشــير الله يحفظه

.

.

::|| اختـــي في الله  ،، بس طالع لها شنب !! << لا تخبرون احد  ||::

ههههههههه ودكمــ اتعرفون الموضوع ،، حياكمــ ،، جوفوا الصور

موقع الحدث >> استراحة في الطائف

من زاوية ثانية ,,

ما شاء الله !! اطول عن شعري !! =S

جفت بلاوي ،، بس ماقول الا الله يهدينا ويرحمنا برحمته ان شاء الله

وايد سوالف ،، بس ماقدر اذكرها كلهـــا ،، هاي مقتطفات منها

=)

وفيــه خبر سيئ .. المدارس قربت !! بعد اسبوع بتبدا الدوامات

والمدرسات والمدرسين داوموا اليومــ حليلهمــ ،، بدا الكرف عندهمــ

كل ما اذكر الثانوية العامة ،، ايني مغص

الله المستعان !!

02:31 - 2007/8/20

الحمدلله على السلامة

الحمدلله على سلامتج وتقبل الله طاعتج

مواقف حلوة

الله يوفقج بدراستج لاتحاتين وايد

الدراسة = وناسة

:)

وشكرا لج على المودنة الطيبة

asami - 02:59 - 2007/8/20

---

p=

الله يسلمج عزيزتي =)

كـــل سنــة اشتــاق للمدرسة ،، ماعدا هالســنة !!

يمكن لانها ثانوية عامة O_o

تعب + كرف - وناسة = الدراسة p=

تسلمين حبووووبه ع تواجدج الحلووو

وبالبركـــة ع المدونة اليديدة =.=

inshadgirl - 04:02 - 2007/8/22

---

يالفضيحة

عاد ... صدق فضيحة

= )



الله يهديج ما عرفتي تنهين البوست إلا بنكد

= (

مستر مطوع - 07:55 - 2007/8/22

---

:S

صحيح

نكد × نكــد

بس الواحد شسوي ،، لازمـــ يتقبـــل :S

حياكــ الله اخوي =)

inshadgirl - 03:48 - 2007/8/23

---

نسيبة

زعــلانة منك لييه ماقلتيلي أنك في السعودية

ع العموم شرايك بالطايف حلوة
كنت فيها قبل كم أسبوع

Anonymous - 11:46 - 2007/8/24

---

:/

افااا !!

انا ما خبرتكمــ :/ !!

حطيت بوست قبل سفري بيومــ هني ،، ويومــ رجعت حذفته

يعني سويت الي علــي p:

بس يلااا ما عليــه ،، فالمرة اليايه ان شاء الله

ترى ما جفت احد من ربعي الي بالمدينـــة بعد

الطـــائف .. حلللوووة ما شاء الله =)

مع انه ما طولنا فيــها وااايد

حياااج الله حبيبتي نسووووب

^.^

الا اقول ،، امتى تبدا الدراسة عندكمــ لووول ؟


Edited by inshadgirl on 2007/8/24 at 04:48

inshadgirl - 01:46 - 2007/8/25

---

نـــسيبة

يـــوووووووه بعد أسبوعين وماما داومت اليوم

تصدقين مالي خــلق هالسنه للمدرسة مع أني الأن أنا في أخر سنه
تكفين أدعيلي أجيب معدل فوق 93%

Anonymous - 06:51 - 2007/8/25

---

نسيبة

صـــح نسيت أباركلك برمضــان كل عام وأنت بخير
على فكره دوامنا السبت ورمضان الإربعاء

Anonymous - 06:53 - 2007/8/25

---

يا بختكمــــ ×_×

زين والله ،، بعد اسبوعين

مب نحن ،، باجر دوامنا ="(

بالتوفيج ان شاء الله ،، وانا بعد وياج آخر سنة لي

ان شاء الله نشد حيــلنا ،، وليش 93 % ؟!!

خليـــها 99% ^.^

والله يباركــ فيج ,, وانتي بخير وصحة وسلامة عزيزتي

=)

رمضان مباركـ ع الجميع

Edited by inshadgirl on 2007/10/27 at 11:49

inshadgirl - 09:31 - 2007/8/25

---